Onte, día 23 de marzo, celebramos no cole, xunto cos nosos afillados e afilladas lectores de 2º de primaria, o día da poesía. Intercambiamos, entre as dúas claases, flores e poemas. Os de segundo recitáronnos un poema moi bonito ao coro e nós, os de sexto, lémoslles poemas. Un poema e unha flor... hai algo mellor para comezar ou rematar o día?
O alumnado de 6º de Primaria participou, a semana pasada, nunha charla de educación afectivo-sexual adaptada á nosa idade.
Durante a sesión falamos dos cambios físicos e emocionais que se producen na puberdade, da importancia do respecto cara ao propio corpo e ao dos demais, e de aprender que cada persoa medra ao seu ritmo. Tamén puidemos resolver dúbidas nun ambiente de confianza.
Foi unha actividade moi útil que nos axudou a comprender mellor esta etapa e a afrontala con máis seguridade.
O alumnado de 6º de Educación Primaria viviu unha experiencia moi bonita e emotiva coa súa visita ao Centro de Día AFAMO.
Nos días previos, na aula preparamos con moita ilusión unha manualidade para regalar ás persoas usuarias do centro. Cada detalle foi feito con agarimo, coa intención de compartir un momento especial e sacarlles un sorriso.
O día da visita, fomos recibidos con moita amabilidade e alegría. Despois de entregar os agasallos, cantamos varios panxoliñas, enchendo o centro de música, aplausos e espírito de Nadal.
Esta actividade axudounos a aprender valores tan importantes como a solidariedade, o respecto e a empatía, e tamén a comprender que pequenos xestos poden facer moi felices ás demais persoas.
Que teñades un. bo Nadal, AFAMO.
Os nenos e nenas da clase de 5º asistiron a unha charla de educación sexual. Falamos de anatomía, de como son os seus corpos, dos cambios que están a vivir, da entrada na adolescencia, da menstruación, do respeto ao ritmo dos ciclo menstruais, da hixiene menstrual, das relacións sexuais, o respeto e comunición coa persoa que esteamos... e logo houbo tempo para resolver todas as dúbidas que tiñan, e, para lembrarlle que a información que buscan ten que vir sempre dunha persoa adulta de confianza, ou de libros axeitados para a súa idade.
Polo Día da Paz, recibimos a visita da Fundación Provincial do Banco de Alimentos de Vigo, que teñen como principal obxetivo axudar aos máis vulnerables, a través de colectivos sociais, ONGs, etc.
Visitáronnos dúas voluntarias da asociación e explicaron ao alumnado cal é a súa función e como podemos axudar.
Para a ocasión organizouse unha campaña de recollida de alimentos na que participou toda a comunidade educativa.
Grazas a todas as familias pola vosa colaboración e implicación!!!
O pasado martes recibimos na escola aos representantes de Xuntos, que traballa para a integración desde a Asociación DOWN de Pontevedra. Nesta xornada de sensibilización participamos nunha sesión de obradoiros e nunha charla moi didáctica .
Poidemos comprobar en nós mesmos o difícil que resultan algunhas actividades que para nós son cotidianas.
Gustáronnos moito!
Moitas grazas Xuntos!
Hoxe temos a visita dunha representante do concello que nos vai falar sobre educación emocional.
É moi importante falar das nosas emocións e preocupacións para ter unha boa saúde mental.
O xoves 15 todo o cole estivo de excursión en Ponte Sampaio(tan preto de nós e sen coñecelo). Por ser os maiores levamos da man aos nenos e nenas de 1º ata onde eles ían descansar e nós seguimos o noso camiño con 4º e 5º ata a illa do Medal; onde tamén descansamos, xogamos e merendamos. O alumnado de 1º xa esperaba con ganas por nós porque gustáralles cando os acompañaramos á festa do Comicon.
Despois de xantar na carballeira do praia de Arcade fomos ao parque infantil e.... como gozamos no parque infantil. Foi como se foramos nenas e nenos pequenos de novo.
