Proxecto Aquí vivimos: as cartas

Chegounos unha carta de Paco desde a biblio, pídenos que investiguemos sobre os cabos e os faros de Galicia.

Ecopercusión

Hoxe fomos ao obradoiro de percusión organizado polo Concello de Moaña, dentro das actividades Aprende Moaña. Empregamos cubos de pintura para facer música. E resultou ser moi divertido!

RUTA POLO RÍO DA FRAGA

 Hoxe os nenos e nenas de quinto fixemos unha saída polo río da Fraga.

Grazas a Antón coñecemos moitas especies de plantas que nacen perto do río.

Aprendemos tamén moitas curiosidades do bosque que non sabíamos.

Pasámolo moi ben.

ENCONTRO DE REGUEIFAS

Os nenos de quinto fomos ao encontro de regueifas no auditorio de Quintela. Pasámolo moi ben e descubrimos que somos uns artistas!!!

1º día de natación en 6º

Hoxe, dentro da sesión de E.F., fomos á piscina a traballar contidos relacionados coa natación. Aquí tedes un resumo da xornada.

Charla apícola en 5º

O día 10 de marzo as nenas e nenos de 5º recibiron unha charla sobre "AS ABELLAS". 

Tiveron a sorte de contar con Fran, un experto no tema que lles explicou unha chea de cousas e tamén fixeron unha trampa caseira para atrapar vespas velutinas. 

Moitas grazas Fran!! Resultou unha charla moi interesante.

REGUEIFAS EN QUINTO

 

Hoxe no cole recibimos a visita de Pinto e Carucho. 

Aprendemos a ser regueifeiros e regueifeiras dun xeito moi divertido.

Somos boísimos/as!!!

  

5º e 6º visitan a exposición "Devanceiros do mar"

  

 

Interpretación do bosque de ribeira

5º visita o Río da Fraga

Actividade audiovisual en 5º de primaria

 A pasada semana o alumnado de 5º contamos coa visita de Karla Carracelas que nos achegou ao mundo da fotografía. 

Esta actividade audiovisual, organizada dentro do programa Aprende Moaña, titulábase "Pintar con Luz" e coñecemos algúns aspectos como as regras básicas da fotografía, construimos o noso propio proxector de imaxes e achegámonos á técnica do revelado. 

A actividade resultou interesantísima!!

 

"Moaña libre de plásticos"

 O 15 de abril recibimos unha charla sobre o impacto dos plásticos na nosa ría. 

Esta campaña organizada polo Concello de Moaña pretende informar e concienciar á rapazada sobre o impacto dos plásticos e microplásticos nos ecosistemas mariños. 

Os datos son moi preocupantes e quedounos moi claro que todos e todas temos que colaborar para reducir o consumo de cousas feitas con plásticos.

 

5º APRENDE SOBRE MOAÑA CO ESCORNABOT

A partir do libro de Pepe Carreiro, Os bolechas van a Moaña, fixemos no cole unha actividade co escornabot para ampliar os coñecementos do alumnado de 5º curso sobre o concello no que viven.

Os obxectivos que pretendemos conseguir con este traballo son o de coñecer o lugar no que viven, identificar os monumentos e construcións máis importantes do seu contorno, valorar positivamente o cuidado e conservación do patrimonio cultural de Moaña, etc.

As competencias traballadas foron a dixital, a de aprender a aprender, a social e cívica, a lingüística e a conciencia e expresión cultural.

Traballamos contidos como o coñecemento das igrexas e capelas de Moaña, identificación dos distintos ríos, diferenciación das praias pola actividade que se desenvolve nas mesmas, etc.

Para conseguir todo isto, dividimos os 18 nenos e nenas en 4 grupos. Fixemos a actividade por duplicado, de tal xeito que traballaban ao mesmo tempo os 4 grupos con 2 escornabots cada grupo durante unha sesión de 50 minutos. Montamos as plantillas en dúas mesas, nas que se colocaban os grupos.

Empregamos unha plantilla de escornabot coas imaxes das respostas que se fan un grupo a outro a través dunhas tarxetas que conteñen preguntas sobre Moaña, o seu patrimonio, a súa cultura...

Cando un equipo acerta a pregunta, obtén un PACOPUNTO como premio. Gaña o equipo que máis Pacopuntos consegue.

Temos que dicir que a avaliación  deste traballo foi moi positiva, xa que aprenderon sobre o lugar no que viven, solucionaron conflitos en grupo, resolveron civicamente as distintas preguntas plantexadas...

Parabéns!!!

Facendo clik na opción de plantillas e preguntas, poderedes ver as plantillas de resposta e tamén as tarxetas de preguntas.

PLANTILLAS E PREGUNTAS


Este é o Pacopunto.

Deixamos un video amosando o éxito da actividade.

Un paseo polas praias

Saída pola ribeira

O xoves o alumnado de 5º curso fixo unha saída pola ribeira dos ríos Rialdarca e da Fraga. Esta saída forma parte do proxecto "Aprende Moaña", da Concellalía de Ensino de Moaña. Acompañounos Chani, que nos ensinou moitas cousas da flora e fauna dos nosos ríos.
Pasámolo moi ben!

Empezando a andaina

No lavadoiro de Rialdarca

Descanso para merendar

Charla sobre sexualidade na clase de 6º

O mércores 18 a clase de 6º recibimos a visita de Rosa López, matrona do Centro de Saúde de Moaña. Esta actividade está organizada dende a Concellalía de Benestar do Concello de Moaña
Grazas a ela aprendimos a coñecer mellor o noso corpo e a nosa sexualidade.
Moitas grazas Rosa pola túa colaboración.

Visitamos a estación depuradora

Onte fixemos unha visita á Estación Depuradora de Augas Residuais de Moaña ( EDAR). Gustounos moito a saída, e aprendemos moitas cousas.

Natación para o alumnado de sexto curso

Tal como está contemplada na Programación Xeral Anual, o alumnado de sexto acudirá os venres do mes de marzo despois do recreo á piscina municipal.
Este é o segundo curso que participamos nesta actividade deportiva, organizada pola Piscina Municipal en colaboración coa Concellalía de Ensino.
O alumnado estaba moi ilusionado!

A noticia na prensa de hoxe:
Faro de Vigo

Dobraxe en quinto e sexto curso

Esta semana visitaron o noso colexio Manuel Pombal e Suso Pando, actores e dobradores galegos, que nos falaron do mundo da dobraxe.
 Explicáronlles aos rapaces e rapazas os pasos para elaborar unha película desde a creación do guión ata a dobraxe. Finalmente o alumnado gozou moito converténdose en dobradores dos seus personaxes.
 Moitas grazas a Manuel e Suso e á Concellaría de Normalización Lingüística do Concello de Moaña por organizar esta actividade tan interesante e motivadora .

Jazz na escola

Onte o alumnado de quinto e sexto de Primaria asistiu a un concerto didáctico de Jazz. 
Magnifica a calidade dos músicos e o plantexamento da sesión, que gustou moito aos nenos e nenas, tal como demostraron coas numerosas preguntas que lles fixeron aos músicos.
Esta actividade forma parte da programación da concellalía de Ensino de Moaña "Música na escola" en colaboración coa asociación xuvenil "A Ghudalla".

Visita da clase de 6º ao complexo medioambiental de Bueu

Onte o alumnado de sexto puidemos ver de preto como se tratan todos os residuos dende a súa recolleita e coa finalidade de reutilizar para así contribuír ó mantemento do noso planeta.

Tamén puidemos ver vídeos educativos que axudaron á concienciación do problema polo que estamos a pasar e a importancia de solucionalo.
Os monitores que nos acompañaron ao longo do percorrido foron explicándonos o funcionamento de toda a maquinaria e como están organizadas as instalacións. Agradecémoslles o trato tan amable e cercano que tiveron con nós e todo o que aprendemos con eles.

Esta actividade forma parte das propostas de "Aprende Moaña", organizadas pola Concellalía de Ensino de Moaña