Hoxe, o alumnado de 5º e 6º gozou dunha xornada de remo enmarcada dentro do programa Aprende Moaña e a cargo da Sociedade Deportiva Samertolameu de Meira.
Coñeceron as instalacións, fixemos regata nos ergómetros, remamos no foso e tamén saímos ao mar en batel e traiñeiriña.
Grazas aos monitores do club de remo pola súa implicación.
O alumnado de Infantil, xunto cos nenos e nenas de 5º de Primaria recollimos as laranxas, aproveitando o bo tempo, das laranxeiras que temos no colexio. Tivemos unha fermosa xornada de convivencia!!!
O alumnado de 5º e 6º fixemos unha andaina desde o cole ata a praia de Tirán, visitando no camiño varios sitios importantes que ten o noso pobo. Os nenos e nenas de 6º documentaron a saída. Mirade que ben o fixeron!
O venres, os nenos e nenas de 5º tivemos unha xornada de remo da man de kevin, adestrador e remeiro no Clube de Remo Tirán. Contounos moitas cousas sobre este deporte e tamén ensinounos as instalacións coas que conta o clube. Ao final da xornada, tivemos a sorte de saír ao mar subidos nos bateis.
Como nos gustou!!!
Grazas Kevin por ensinarnos tantas cousas e grazas ao clube pola súa invitación.
Os nenos e nenas de 5º e 6º fixemos unha saída ao monte do Facho (Cabo Home). Aprendemos sobre a historia das excavacións e tamén admiramos as fermosas vistas que nos permitiu o lugar.
Logo, merendamos e xogamos un pouco na praia de Liméns e de Santa Marta.
Estivo xenial!
O alumnado de 6º estivo traballando sobre o mapa de España co Escornabot. Fixemos un repaso das comunidades autónomas e provincias do noso país.
Como sabedes, os nenos e nenas de 5º recibiron unha charla por parte da Asociación Meiramar Axóuxeres na que lles falaron sobre o Entroido Tradicional de Meira. Agora, eles están a elaborar un resumo da información en formato cómic coa aplicación Strip Design e logo publicaranna nun tríptico. Xa veredes o resultado final!
Os nenos e nenas están a facer un traballo de investigación sobre as plantas. A información está reflexada nun Libreoffice Impress feito nos seus ordenadores E-Dixgal. Estalles a quedar moi ben.
