Xa temos os carteis da festa do Entroido

Esta vez tocoulle á clase de quinto curso facer os carteis da nosa festa do Entroido. Aquí está cada grupo co seu cartel. Quedáronnos moi bonitos!

Medimos o patio en metros cadrados

Hoxe na clase de quinto curso medimos o patio cos nosos metros cadrados.

Logo de volta na clase usamos a calculadora para ver canto mide: 207 metros cadrados, aproximadamente.

Deseñamos bicis

Na clase de matemáticas deseñamos bicis como a de Delio Fernández. Para facelas só podiamos usar escuadra, cartabón e compás. Gustounos moito facelas, e quedaron moi chulas!

Gráficos de barras: "Sobremesas preferidas no Entroido"

O alumnado de 6º curso recollemos datos para saber cales son as sobremesas de Entroido preferidas dos nenos e nenas de Quintela. Utilizamos unha ferramenta en TICS que nos permite facer gráficos de barras e de pastel e poder observar os resultados con moita claridade. Aquí tedes unhas imaxes de como nos quedaron.

CARTEIS DO MAGOSTO

Esta semana celebramos o Magosto no cole. Na clase de 6º de primaria fixemos por parellas os carteis para anunciar a celebración. Mirade que ben quedaron.

Seguimos coas estatísticas

Dende o noso instituto de referencia, o IES A Paralaia, pídennos datos relacionados cos medios audiovisuais que temos nas nosas casas os alumnos/as de sexto.

Nesta ocasión tratábase de saber si temos ordenador ou acceso a internet.

Na aula TIC fixemos o diagrama de barras:

Facemos "sketch"

Para ampliar o noso  vocabulario , preparamos uns diálogos nos que tiñamos que incluír un listado de  palabras dun campo semántico da nosa elección. Fixemos o traballo por equipos, e houbo dous que coincidiron no tema, como veredes:

Facemos estatística

As pirámides

Cando fixemos as maquetas na clase de sexto, deixamos atrás as pirámides de Exipto. Por iso, na clase de matemáticas, cando traballamos os poliedros, decidimos facelas nós.

O plano de Madrid

No proxecto"Construímos" estivemos falando das cidades. Vimos que as zonas antigas das cidades teñen rúas estreitas e con formas e direccións irregulares. Pero as partes máis novas teñen rúas anchas  e con paralelas perfectas,

Para traballar en matemáticas, a profesora trouxo uns planos de Madrid, e localizamos rúas paralelas e penperdiculares. Tamén diagonais.

Pero,...o que máis nos gustou foi buscar cantas sucursais hai dunha coñecida cadea de hamburgueserías.

A galipedia

Coa información recompilada polo alumnado de quinto curso na entrevista  á presidenta da Asociación de mariscadoras de Moaña, na clase de sexto redactamos un artigo sobre elas para a Galipedia. Fixemos así:

Primeiro investigamos como se redactan os artigos, mirando os de outras asociacións.
Logo preparamos o artigo.
A continuación enviámosllo á Asociación para que o revisasen, por se contiña algún erro.
Por último, xunto cos compañeiros/as de quinto curso, subimos á rede o artigo.
E aquí tedes o enlace:

http://gl.wikipedia.org/wiki/Asociaci%C3%B3n_de_Mariscadoras_de_Moa%C3%B1a

A publicidade e o cole de Quintela

O alumnado de 5º e 6º estivemos traballando os anuncios publicitarios e aproveitando que estamos en período de solicitude de admisión de novos alumnos para o vindeiro curso,promocionamos o noso cole. Escoitádenos e veredes que ben o fixemos. 
  

Premios Nobel da Paz

Na clase de 6º curso buscamos información sobre os últimos premiados co Nobel da Paz:

Nobel da paz 2014 from bibliotecadocole

A xeometría na pintura

Na clase de quinto fixemos as nosas particulares reproduccións do cadro de Kandinsky  titulado: "Estudo de cor. Círculos concéntricos"
Servíunos para mellorar a nosa técnica no uso do compás. Aquí tedes o noso traballo:

A xeometría na pintura: triángulos

Este é o mosaico "A árbore da vida", que fixo Gustav Klimt para o palacio Stoclet de Bruselas.


Ao pintor xa o coñecedes. polo seu famosísimo cadro, "O bico"



Aquí a nosa proposta: 
Tentade localizar e clasificar algúns dos triángulos.

A xeometría na pintura: cadrados

Piet Mondrian (1872- 1944) foi un pintor holandés, autor do cadro que vemos a continuación. O seu título: "Composición II en vermello, azul e amarelo".

Mondrían plasmaba a harmonía con liñas verticais e horizontais.A súa obra foi incomprendida, pola aparente simplicidade dos cadros. Pero para lograr a pureza de cor e liñas. adoitaba utilizar unha grande variedade de técnicas e capas de cores. 

Se vos fixades, podedes adiviñar as pinceladas.

Agora imos facer a nosa versión do cadro, utilizando o escuadro e o cartabón.

A xeometría na pintura: circulos

Título: "Estudo de cor. Círculos concéntricos"
Autor: Wassily Kandinsky , pintor ruso ( 1886-1964)

Para reflexionar:

• Parécevos que segue sendo actual? 
• Imaxinades como foi acollido na súa época?

                                                                 

Tentade reproducilo utilizando o compás

O como construir un compás caseiro

O compás é un instrumento milenario, que serve para facer circunferencias.


Como curiosidade, vede como se pode facer un compás de manualidades:

Agora probamos a facer un?

Transportador de ángulos

Aprendemos a usar o transportador de ángulos. Vexamos algúnhas páxinas interesantes:

Agora imos practicar medindo ángulos:

Aqui veremos nun vídeo unha completa explicación de uso:

Papiroflexia

A pariroflexia consiste en facer figuras plegando o papel. En xaponés coñécese como origami.

Na clase de 5º curso temos un grupiño de alumnos/as moi interesados no tema. Con idea de compartir o que saben cos compañeiros doutros cursos, estamos deseñando un obradoiro de papiroflexia.

Mentras, deixámosvos con este enlace a webplástica.es, onde explican os pregados máis comúns nesta arte, tan interesante dende o punto de vista plástico e matemático.

Na web da Asociación Española de pariroflexia pódese descargar as instruccións para facer rás, osos, mapaches, tiburóns. Proba e practica!