Orden do mérito civil para Alicia Rodríguez

Foto do Faro de Vigo

O rei Felipe VI outorgou a Orde do Mérito Civil á moañesa Alicia Rodríguez Pérez nunha cerimonia celebrada o 19 de xuño no Pazo Real. Foi un merecido recoñecemento ao seu un fatigable traballo pero tamén unha importante contribución á dignificación e consideración profesional das mulleres mariscadoras.
Estamos moi orgullosos deste premio. Parabéns Alicia!!!!

Valeria e as landras

Este é o conto "Valeria e as landras", nas voces de 3º de Primaria sobre a adaptación que fixeron do conto de Tim Bowley,  "Xaime e as landras"

Saída á Fraga de Rialdarca

O alumnado de 5º de Primaria participamos no Programa Proxecto Ríos. Unha das actividades que fixemos foi a inspección dun tramo do río de Rialdarca. Aquí tedes unha mostra do traballo realizado:

Recollida de datos:3ª Semana da Froita

Na 3ª Semana da Froita en Quintela , os nenos e nenas de 5º de primaria recollemos datos dos gustos e as preferencias do alumnado. Aquí tedes unha mostra do traballo realizado:

Seguimos coas estatísticas

Dende o noso instituto de referencia, o IES A Paralaia, pídennos datos relacionados cos medios audiovisuais que temos nas nosas casas os alumnos/as de sexto.

Nesta ocasión tratábase de saber si temos ordenador ou acceso a internet.

Na aula TIC fixemos o diagrama de barras:

Facemos "sketch"

Para ampliar o noso  vocabulario , preparamos uns diálogos nos que tiñamos que incluír un listado de  palabras dun campo semántico da nosa elección. Fixemos o traballo por equipos, e houbo dous que coincidiron no tema, como veredes:

Festival Letras Galegas

Esta é a actuación de 5º de Primaria coa súa obra de teatro "Restaurante Farruco":

Facemos estatística

A nosa crítica ao Festival das Letras Galegas

A organización do festival estivo ben. A música entre actuación e actuación estivo xenial, porque entretiña os pequenos mentres se preparaba a seguinte actuación. Os decorados do fondo eran moi bonitos, e líanse ben.

Os presentadores fixérono xenial, porque se lles entendía todo, vocalizaron moi ben e desenvolvéronse ben no escenario.

Este ano houbo pouco teatro, só dúas obras, e a nós pareceunos un pouco soso. Gustaríanos que houbera máis teatro.

Todos os cursos actuaron ben, aínda que no teatro, algúns deberían falar máis alto. Os de Infantil, a pesares de ser os máis pequenos, actuaron de marabilla, sobre todos os da canción do paxariño, porque parecía que non estaban nada nerviosos.

En canto á nosa actuación, gustaríanos que houbese efectos especiais para o son do timbre ou os tiros dos cazadores. Na actuación da mañá, non sabemos se aos pequenos lles gustou que lle pegásemos ao lobo. Pero aínda que tiñamos o corazón a mil, cremos que foi un éxito, o público riu moito.

A outra historia de Carrapuchiña

Está é a actuación do alumnado de sexto no festival das Letras Galegas do cole.

As pirámides

Cando fixemos as maquetas na clase de sexto, deixamos atrás as pirámides de Exipto. Por iso, na clase de matemáticas, cando traballamos os poliedros, decidimos facelas nós.

O plano de Madrid

No proxecto"Construímos" estivemos falando das cidades. Vimos que as zonas antigas das cidades teñen rúas estreitas e con formas e direccións irregulares. Pero as partes máis novas teñen rúas anchas  e con paralelas perfectas,

Para traballar en matemáticas, a profesora trouxo uns planos de Madrid, e localizamos rúas paralelas e penperdiculares. Tamén diagonais.

Pero,...o que máis nos gustou foi buscar cantas sucursais hai dunha coñecida cadea de hamburgueserías.

Maqueta dun pobo

Na clase de sexto seguimos coas maquetas. Esta vez é un pobo, coas rúas ben ordenadas.

Medimos espazos

Na clase de sexto estivemos aprendendo a calcular coas nosas zancadas para medir metros.para iso puxemos varias regras de 1 metro no chan, unha a continuación da outra. Segundo a lonxitude das nosas pernas vimos que algúns cunha zancada mediamos un metro, mentres que outros necesitabamos tres zancadas para medir dous metros.

Despois fomos á pista do colexio, a medir coas nosas zancadas o longo  e o ancho.

E fomos anotando nos nosos cadernos de investigación os datos obtidos.

 A continuación medimos a pista con cinta de medir.
Foi estupendo descubrir que os datos obtidos coas nosas zancadas eran moi parecidas á medida exacta.

Construímos maquetas

Seguindo co noso proxecto "Construímos", na clase de sexto curso,  fixemos maquetas de edificios famosos. Foi unha tarefa longa  e laboriosa. Complementamos o traballo con información sobre cada un . Aquí tedes unha mostra:

Contruímos maquetas from bibliotecadocole

Letras galegas 2015

Xa temos aquí as actividades do Seminario Galán 2015. Clica na imaxe para entrar:

Saída ao castelo

O ratiño Paco, a mascota de biblioteca, pediunos que aprenderamos cousas sobres os castelos Os nenos e nenas de 5º e 6º lemos na revista Reportero Doc sobre a Idade Media e a vida nos castelos. E fomos ao castelo de Sobroso. O guía falounos da súa interesante historia, da función as distintas estancias, e dos distintos propietarios. Pasámolo moi ben.
 

Dobraxe na escola

O día do libro tivemos unha actividade na biblioteca moi divertida: "Dobraxe na escola", un proxecto de Suso Pando e Manuel Pombal, subvencionado polo Servizo de Normalización Lingüística do Concello de Moaña.
Tivemos que facer de dobradores dun capítulo de Bob Esponja. Aprendemos a encaixar as voces nas bocas dos personaxes. O resultado foi espectacular, e divertímonos un montón

A galipedia

Coa información recompilada polo alumnado de quinto curso na entrevista  á presidenta da Asociación de mariscadoras de Moaña, na clase de sexto redactamos un artigo sobre elas para a Galipedia. Fixemos así:

Primeiro investigamos como se redactan os artigos, mirando os de outras asociacións.
Logo preparamos o artigo.
A continuación enviámosllo á Asociación para que o revisasen, por se contiña algún erro.
Por último, xunto cos compañeiros/as de quinto curso, subimos á rede o artigo.
E aquí tedes o enlace:

http://gl.wikipedia.org/wiki/Asociaci%C3%B3n_de_Mariscadoras_de_Moa%C3%B1a

O eclipse solar e o curso de sexto

O alumnado de sexto curso fixo unha investigación na rede sobre o próximo eclipse solar do día 20. Coa información recompilada, prepararon unha exposición oral, para explicarlle aos compañeiros e compañeiras de Primaria diferentes cousas do eclipse: horario, en que consiste, como debemos miralo sen dano para os nosos ollos, etc.
Foi moi interesante a súa exposición!

Máis información sobre o eclipse en :
Real Observatorio do Armada