2º Día Excursión Fin de Curso

O segundo día da nosa excursión de fin de curso foi unha aprendizaxe...

Pola mañá desprazámonos ata Padrón, unha vila con moita historia e tradición. Alí percorremos o seu casco histórico e coñecemos algúns dos seus lugares máis emblemáticos. Tamén descubrimos a lenda máis importante da localidade, relacionada co apóstolo Santiago Apóstolo. Aprendemos que, segundo a tradición, a barca que transportaba os seus restos chegou ata estas terras e que o famoso "pedrón" deu nome á vila.

Despois comemos no xardín botánico e pola tarde visitamos a Casa da Matanza, o fogar onde viviu os seus últimos anos a escritora Rosalía de Castro. Durante a visita coñecemos mellor a súa vida e a súa obra, e comprendemos a importancia que ten para a literatura e a cultura galega. Tamén realizamnos un scaperoom na súa casa!

Ao rematar as actividades en Padrón, regresamos a Galipark, onde continuamos desfrutando da convivencia. Foi unha xornada interesante, "histórica" e cultural.  

Foi un día interesante!

1º Día Excursión Fin de Curso

O noso primeiro día está a ser toda unha aventura!

Comezamos con xogos de presentación para coñecernos mellor e continuamos coa aventura no rocódromo e nas tirolinas. Despois, tocou refrescarse e divertirse na piscina.

Agora estamos a repoñer forzas coa cea e preparándonos para a velada desta noite, que seguro estará xenial. 

Deixámosvos algunhas fotos para que vexades o ben que o estamos pasando!

!

“As familias contan” Ádega visita a nosa aula.

Hoxe tivemos unha visita moi especial na nosa aula de 6º de Primaria. Ádega, nai dun alumno de clase, participou no programa “As familias contan” e veu compartir con nós varios contos cheos de imaxinación, emoción e aprendizaxes.

Durante a sesión, escoitamos historias moi entretidas que nos fixeron rir e pensar. Ádega conseguiu crear un ambiente moi próximo e divertido, no que todos estivemos atentos ás aventuras e personaxes dos contos.

Ademais de fomentar o gusto pola lectura, esta actividade axúdanos a fortalecer a relación entre a escola e as familias, facendo que o alumnado viva experiencias diferentes e enriquecedoras dentro da aula.

Queremos agradecerlle a Ádega a súa participación, o seu tempo e a ilusión coa que preparou esta visita. Encantounos compartir esta experiencia e esperamos seguir gozando de novas sesións de “As familias contan”.

Moitas grazas, Ádega!

Xornada de convivencia no IES Paralaia

O pasado día 23 de abril, coincidindo co día do libro, realizamos unha saída moi especial coa nosa clase de 6º de Primaria ao IES de Paralaia. Foi unha xornada de convivencia na que puidemos coñecer de preto como é a vida no instituto, algo que nos fai moita ilusión porque o vindeiro curso daremos ese gran paso.

Nada máis chegar, recibíronnos con moita amabilidade e explicáronnos como ía ser a xornada. Despois, dividímonos en grupos para participar en diferentes obradoiros (francés, cibermentores e un abradoiro con cans, da protectora do Morrazo)

Sentímonos moi ben acollidos e aprendemos moitas cousas sobre como será a nosa próxima etapa. Foi unha experiencia moi interesante que nos axudou a perder os nervios e a ilusionarnos co cambio.

Ata setembro, IES Paralaia!

Celebrando "O Día do Libro" cos compañeiros de educación Infantil de "O Con"

 O pasado 24 de abril celebramos o Día do Libro cunha fermosa actividade de convivencia entre 6º de Primaria e a escola de educación infantil "O Con".

Realizamos un apadriñamento lector, onde os maiores lles leron contos aos máis pequenos, compartindo historias e momentos moi especiais. Ademais, houbo un intercambio de cancións e e puxémoslle música coa guitarra de Txelu, a un conto que nos contou a todos e todas unha mestra de infantil  que encheu a xornada de ledicia.

Foi unha experiencia moi enriquecedora que nos permitiu gozar da lectura xuntos e aprender uns dos outros. Volveremos pronto!

DÍA DA POESÍA

Onte, día 23 de marzo, celebramos no cole, xunto cos nosos afillados e afilladas lectores de 2º de primaria, o día da poesía. Intercambiamos, entre as dúas claases, flores e poemas. Os de segundo recitáronnos un poema moi bonito ao coro e nós, os de sexto, lémoslles poemas. Un poema e unha flor... hai algo mellor para comezar ou rematar o día?

Radio en directo. Radiocebola

Hoxe tocou facer un programa de radio en directo. Fixéronno Radiocebola, formado por Antía Núñez, Mara, Lucía, Irene e Noela. Todas unhas expertas! Escoitámolas? 

Disfrutádeas!

"O mundo do Inho". Obradoiro de portugués

Hoxe, grazas ao servizo de Normalización do Concello de Moaña, tivemos no cole este obradoiro chamado "O mundo de Inho". O Mundo do INHO é un obradoiro dirixido ao terceiro ciclo de primaria para amosarlles a alumnas e alumnos diferentes chaves culturais do mundo lusófono ademais de facerlles descubrir a facilidade para leren textos en portugués e así achegarlles a lingua. Unha aproximación ao portugués, vendo a súa orixe común co galego e as semellanzas que existen entre ambos idiomas. 

Estivo xenial!

Día de Rosalía de Castro

En Quintela gústanos coidar as nosas escritoras. Por iso, celebramos o Día de Rosalía de Castro, unha das escritoras máis importantes de Galicia, cun programa de radio especial levado a cabo por Julia, Ana e Alba; cunha visita moi especial dos nenos e nenas de 6º de Infantil que recitaron un poema de Rosalía e fixérono moi ben! 

Encantounos compartir este momento tan bonito e seguir aprendendo a querer e valorar a nosa lingua.

Feliz día de Rosalía!

Charla sobre sexualidade

 O alumnado de 6º de Primaria participou, a semana pasada, nunha charla de educación afectivo-sexual adaptada á nosa idade.

Durante a sesión falamos dos cambios físicos e emocionais que se producen na puberdade, da importancia do respecto cara ao propio corpo e ao dos demais, e de aprender que cada persoa medra ao seu ritmo. Tamén puidemos resolver dúbidas nun ambiente de confianza.

Foi unha actividade moi útil que nos axudou a comprender mellor esta etapa e a afrontala con máis seguridade.

Día da Radio

Hoxe, 13 de febreiro, celebramos o Día da Radio, un medio que nos informa, nos acompaña e nos fai imaxinar historias só coa forza das palabras e dos sons. E en 6º de primaria non podiamos deixar pasar esta ocasión para celebralo.

Aínda que hoxe non puidemos celebrar o Entroido polo mal tempo, non deixamos que iso nos quite a alegría. Cambiamos o disfrace de espantallos polos micrófonos e demostramos que en Quintela sempre hai algo que celebrar.

Aquí vos deixamos o programa "improvisado" para celebrar o día da radio. Nos micrófonos estiveron Lucía, Martín, Emma e Enzo, convertidos en auténticos locutores e locutoras. E no control de son, facendo maxia cos botóns e a música, estivo Hugo.

Porque cando se acende un micrófono… comeza a maxia da radio! 

Viva a Radio!

Obradoiro Banco de España

 O alumnado de 6º de Primaria recibiu unha interesante charla sobre os billetes e moedas do Banco de España. Durante a actividade aprenderon como son os billetes de euro, que elementos de seguridade teñen e por que son importantes para evitar falsificacións.

Tamén coñeceron as distintas moedas, os seus valores e algúns datos curiosos sobre o seu deseño e uso no día a día. A charla resultou moi didáctica e permitiulles comprender mellor como funciona o diñeiro e a importancia de facer un uso responsable del.

Foi unha experiencia moi enriquecedora que axudou aos nenos e nenas a ampliar os seus coñecementos financeiros dun xeito próximo e práctico.

Radio Quintela no Día da Paz

 O alumnado de 6º de Primaria participou nunha actividade moi especial: a gravación dun poema musicado de Rafael Alberti, La paloma se equivocaba. Ao longo do traballo, os nenos e nenas achegáronse á poesía dun xeito diferente, combinando a palabra, a música e a expresión oral. Con todo isto... como non facer un programa de radio?

A experiencia permitiulles coñecer mellor a obra dun autor fundamental da literatura española e, ao mesmo tempo, traballar a lectura expresiva, o ritmo e o traballo en equipo. O resultado é unha interpretación chea de sensibilidade e ilusión, na que a poesía cobra vida a través das súas voces. Ademais, Rubén, puso voz dunha forma moi sutil ao "manifesto pola paz", xenial Rubén!

Agardamos que gocedes tanto desta gravación como nós gozamos creándoa.

Grazas ao orientador Txelu que tocou o contrabaixo e ao profe de inglés, Bruno, que se animou coa guitarra. 

Por moitas veces!

Charla sobre "Saúde na escola" de Erguete

 O alumnado de 6º de Primaria participou recentemente nunha charla sobre saúde centrada na prevención das adiccións, impartida por unha traballadora da Asociación Érguete.

Durante a sesión falouse, dun xeito claro e adaptado á idade do alumnado, das adiccións ás substancias como o tabaco ou o alcohol, pero tamén doutro tipo de adiccións máis próximas ao noso día a día, como o uso excesivo das pantallas, os videoxogos ou o móbil. A relatora explicou como estes hábitos poden afectar á nosa saúde e á nosa vida diaria.

A charla resultou moi interesante e participativa, xa que o alumnado puido facer preguntas, comentar situacións cotiás e reflexionar sobre a importancia de coidarnos, tomar boas decisións e pedir axuda cando algo nos preocupa.

Dende o centro educativo queremos agradecer á Asociación Érguete o seu traballo e a súa colaboración, xa que actividades coma esta axúdannos a fomentar hábitos saudables e a educar na prevención desde idades temperás.

RadioQuintela. Entrevista a Damián Alonso, actor de dobraxe.

O 14 de xaneiro,
RadioQuintela contou coa visita de Damian Alonso, actor de dobraxe e formador en radio escolar. Durante a entrevista, o alumnado puido coñecer de primeira man como é o traballo dun actor de voz e todo o que hai detrás dun micrófono.

Damian destacou a importancia da radio como ferramenta educativa, que axuda a mellorar a expresión oral, a creatividade e a confianza do alumnado. Foi unha experiencia moi enriquecedora para os alumnos de 4º de primara. que animou a seguir aprendendo e facendo radio na escola.

Entrevista realizada por alumnas de 6º de primaria (Antía Núñez, Noela, Irene, Mara e Lucía)

Saída a Santiago de Compostela

 O pasado 13 de xaneiro, o alumnado de 5º e 6º visitou Santiago de Compostela. 

Achegámonos ao Parlamento de Galicia, onde coñecemos o seu funcionamento, e subimos aos tellados da Catedral, gozando das vistas e aprendendo sobre a súa historia. Foi unha saída moi interesante e enriquecedora.

 

Felicitación de Nadal 6º de Primaria

O Nadal é unha época moi especial, chea de alegría, ilusión e bos desexos. Nestes días gústanos compartir momentos coas persoas que queremos e lembrar a importancia de ser amables e solidarios. Nesta entrada presentamos unha postal de Nadal dixital, creada con moito cariño e simpatía, para felicitar as festas e desexarvos a todos e todas un Nadal cheo de paz, felicidade e esperanza. 🎄✨ Bo Nadal e Feliz Aninovo!

Radio Escolar en Directo Nadal

Hoxe vivimos un momento moi especial no CEIP Quintela, xa que se realizou o primeiro programa de radio en directo do colexio (RadioQuintela). Foi unha experiencia moi ilusionante que marca o inicio dun novo proxecto de comunicación escolar.

Durante o programa falouse das actividades que se están a levar a cabo no centro con motivo do Nadal, compartindo con toda a comunidade educativa o ambiente festivo que se vive estes días no colexio.

Os encargados de estrear esta iniciativa foron os alumnos Rubén, Emma, Daniela e Mario, que participaron con moita ilusión, responsabilidade e entusiasmo, demostrando un gran traballo en equipo e unhas excelentes habilidades comunicativas.

Agardamos que sexa a primeira de moitas!

 

Visita moi especial a AFAMO

 O alumnado de 6º de Educación Primaria viviu unha experiencia moi bonita e emotiva coa súa visita ao Centro de Día AFAMO.

Nos días previos, na aula preparamos con moita ilusión unha manualidade para regalar ás persoas usuarias do centro. Cada detalle foi feito con agarimo, coa intención de compartir un momento especial e sacarlles un sorriso.

O día da visita, fomos recibidos con moita amabilidade e alegría. Despois de entregar os agasallos, cantamos varios panxoliñas, enchendo o centro de música, aplausos e espírito de Nadal. 

Esta actividade axudounos a aprender valores tan importantes como a solidariedade, o respecto e a empatía, e tamén a comprender que pequenos xestos poden facer moi felices ás demais persoas.

Que teñades un. bo Nadal, AFAMO.

ECOPERCUSIÓN colaborativo

Pois aquí está a segunda parte da ECOPERCUSIÓN! 

Cinco coles de Moaña xuntos e ao unísimo para dar redobres de tambores e anunciar a chegada do Nadal con bo ritmo! Bravo a todas e todos polo bo facer!