CANDO CHEGA A NOITE...

Xa temos a nosa primeira misión do proxecto! Durante este mes investigaremos sobre... AS PROFESIÓNS NOCTURAS.

Por grupos, baixamos á biblioteca e lemos a carta que Paco nos deixou. Despois, sacamos un papeliño co nome da profesión que nos toca investigar. Descubrimos que hai moitísimas profesións nocturas.

Pronto veredes o resultado!!

COMEZA O NOSO PROXECTO...

 Polo Día das Bibliotecas Escolares vivimos un día moi especial na biblioteca de Quintela. Paco, a nosa mascota, preparounos unha sorpresa para dar comezo ao noso novo proxecto: "Cando chega a noite...".

Os nenos e nenas puideron gozar dun momento moi especial lendo contos á luz das lanternas, descubrindo que a biblioteca tamén pode ser un lugar máxico cando cae a noite. 

Pasámolo xenial e gozamos moitísimo desta experiencia tan diferente e divertida!

E isto non fixo máis que comezar… Cantas aventuras nos agardan cando chega a noite! 

DÍA DAS BIBLIOTECAS ESCOLARES

Polo Día das Bibliotecas Escolares, Paco, a nosa mascota, preparou a biblioteca para dar comezo ao noso novo proxecto: «De noite».

Neste vídeo podemos ver como quedou preparada a biblioteca para que, durante a xornada de hoxe, os nenos e nenas puidesen achegarse aos novos contos e descubrir todo o que agocha a noite.

E isto non fixo máis que comezar… A noite acaba de chegar a Quintela! 

Remo en 4º e 5º de primaria

Grazas á S.D. Samertolameu de Meira por vir ensinarnos tanto sobre este deporte tan marabilloso e tan afincado no noso concello.

FORMACIÓN DE USUARIOS NA BIBLIOTECA

Comezamos a formación de usuarios e usuarias da biblioteca co alumnado de Primaria. Durante a sesión, repasamos o funcionamento da biblioteca, as súas normas de uso e a organización dos libros segundo a Clasificación Decimal Universal (CDU). Para rematar, realizamos un Kahoot interactivo co obxectivo de repasar os contidos traballados e comprobar, dun xeito lúdico e participativo, se as aprendizaxes quedaran claras.

Polos eclipsados. Entregamos os trípticos na oficina de turismo

Hoxe demos un paso máis no noso proxecto Polos Eclipsados.

O alumnado de 5º de Primaria fixo entrega no Concello de Moaña dos trípticos divulgativos elaborados tras semanas de investigación sobre os mellores lugares do municipio para observar a eclipse solar do vindeiro 12 de agosto.

Posteriormente, depositamos os trípticos na oficina de Turismo, para que veciños e visitantes poidan consultalos e descubrir os puntos recomendados para desfrutar deste acontecemento astronómico de forma segura.

Grazas ao Concello de Moaña pola súa acollida e por colaborar na difusión deste proxecto de divulgación científica realizado polo noso alumnado. 

Polos eclipsados. Exposición para a comunidade esucativa

 Polos eclipsados. Este proxecto que tanto nos gustou e no que tanto aprendemos chega ao seu fin. O alumnado preparou o material que está exposto na entrada do cole para que o resto da comunidade educativa poida ver todo o que investigaron, traballaron e, sobre todo, aprenderon.

Bo traballo! Parabéns!!! 

Polos eclipsados. Últimos pasos

 Xa estamos na reta final. Imprimimos as fotos, os trípticos e tamén a presentación que fixeron sobre a eclipse.

Proxecto Polos eclipsados. Xa temos gafas e carnés de guías

 Xa nos chegaron as gafas para ver o eclipse. Quedamos encantados e tamén nos gustou moito o carné de guías.

Grazas Polos Creativos!

Proxecto Polos eclipsados. Elaboración dos trípticos

 Xa están en marcha os trípticos para entregar no concello! 

Aprende Moaña. Remo

 Hoxe, o alumnado de 5º e 6º gozou dunha xornada de remo enmarcada dentro do programa Aprende Moaña e a cargo da Sociedade Deportiva Samertolameu de Meira. 

Coñeceron as instalacións, fixemos regata nos ergómetros, remamos no foso e tamén saímos ao mar en batel e traiñeiriña.

Grazas aos monitores do club de remo pola súa implicación.

Proxecto Polos eclipsados. Traballo co mapa

 Xa comenzamos a traballar sobre o mapa sinalando os lugares nos que investigaron si se ve ou non a eclipse.

Proxecto Polos eclipsados. Continúa o traballo de campo

 O alumnado de 5º e 6º de primaria está totalmente implicado no traballo de investigación e comprobación dos lugares de Moaña nos que veremos a eclipse e nos que non a veremos.

Bo traballo!

2º Día Excursión Fin de Curso

O segundo día da nosa excursión de fin de curso foi unha aprendizaxe...

Pola mañá desprazámonos ata Padrón, unha vila con moita historia e tradición. Alí percorremos o seu casco histórico e coñecemos algúns dos seus lugares máis emblemáticos. Tamén descubrimos a lenda máis importante da localidade, relacionada co apóstolo Santiago Apóstolo. Aprendemos que, segundo a tradición, a barca que transportaba os seus restos chegou ata estas terras e que o famoso "pedrón" deu nome á vila.

Despois comemos no xardín botánico e pola tarde visitamos a Casa da Matanza, o fogar onde viviu os seus últimos anos a escritora Rosalía de Castro. Durante a visita coñecemos mellor a súa vida e a súa obra, e comprendemos a importancia que ten para a literatura e a cultura galega. Tamén realizamnos un scaperoom na súa casa!

Ao rematar as actividades en Padrón, regresamos a Galipark, onde continuamos desfrutando da convivencia. Foi unha xornada interesante, "histórica" e cultural.  

Foi un día interesante!

1º Día Excursión Fin de Curso

O noso primeiro día está a ser toda unha aventura!

Comezamos con xogos de presentación para coñecernos mellor e continuamos coa aventura no rocódromo e nas tirolinas. Despois, tocou refrescarse e divertirse na piscina.

Agora estamos a repoñer forzas coa cea e preparándonos para a velada desta noite, que seguro estará xenial. 

Deixámosvos algunhas fotos para que vexades o ben que o estamos pasando!

!

FESTIVAL LETRAS GALEGAS

Proxecto Polos eclipsados. Traballo de campo

 Xa estamos metidos de cheo no traballo de investigación. O alumnado xa está estudando en que lugares de Moaña podemos ver ou  non ver a eclipse. Temos as primeiras evidencias recollidas no terreo na hora indicada, xunto coas súas correspondentes fichas de observación.

Proxecto Polos eclipsados. Montaxe da maqueta que imita unha eclipse

 Moito traballamos para montar as maquetas que simulan a eclipse solar.

Imprimimos as pezas na impresora 3D, pintamos con rotulador o Sol e a Terra e, montamos o circuito eléctrico para acender un led amarillo dentro do sol.

Quedaron moi chulas!

Obradoiro de Placa Micro:bit

 As nenas e nenos de 5° e 6° primaria aprendemos unha morea de cousas coa placa Micro:Bit (poñer números, caras, medir luz, temperatura, conectar leds…).

Grazas unha vez máis Paola por ensinarnos tanto e tan ben!

Proxecto Polos eclipsados. Cuestionario e ficha de observación directa

Canto aprendemos na charla que nos deu Kike. Así o demostra o cuestionario que cubrimos ao rematar a charla no que quedou moi clariño que sabemos moito sobre o tema.

O seguinte paso que imos dar é investigar sobre os lugares de Moaña que son idóneos para ver o eclipse e aqueles non que non o son porque hai obxectos que o impiden.

Dividiremos as distintas zonas entre o alumnado e eles terán que ir na hora indicada e comprobar se ven o sol ou non o ven e cubrir unha ficha de observación.