As medidas dos cadros

Arte en medio da destrución

Na clase de quinto miramos esta fotografía, que representa o cadro de Klimt "O bico"
Isto é o que pensamos ao miralo:

• Gústanos porque despois de destruír todo, pintan un cadro que simboliza a paz.
• Porque a pesar da guerra, crean arte
• Porque é moi creativo

A Monna Lisa, ...doutro xeito

Un grupo de alumnos e alumnas da escola de Artes Visuales de Canterbury-Inglaterra (parecido ao bacharelato artístico de aquí) fixeron a Monna Lisa con xiz, plástico, follas, terra,..Mirade que bonito!!!

Os bits de intelixencia: a pintura

Os bits son datos que pode almacenar o cerebro, e que chega a través dos sentidos. No colexio preparamos estes bits, baseados na pintura, para fomentar a observación, a capacidade memorística e a cultura.

Bits de intelixencia pintura

View more presentations or Upload your own.

Xardín florido

Esta é unha das vistas que temos  dende as ventanas da clase de quinto curso:

Garda certo parecido co cadro de Van Gogh "Xardín florido":

As medidas dos cadros

Queres saber canto miden algúns dos cadros máis famosos? ·

 “As meninas”, de Diego Velázquez,

mide 276 de alto por 318 cm de ancho .

 “A Gioconda”, de Leonardo da Vinci 

77 cm de alto por 53 cm de ancho 

 “Enrique VIII”, de Hans Holbein o Mozo

28 cm de alto por 20 cm de ancho 

“A habitación", de Van Gogh

 74 cm de alto por 56,5 cm de ancho 

“Guernica”, de Pablo Picasso

3,50 cm de alto por 7,80 de ancho 

 “A persistencia da memoria”, tamén coñecido como “ Os reloxos brandos,” de Salvador Dalí

 119,5 de alto por 90 cm de ancho.

  “Varios círculos”, de Kandinsky

127 cm de alto por 200 cm de ancho 

 Que vos parece calcular as medidas dos cadros nas vosas aulas?
 Será interesante ver canto ocupa cada un!

Outra forma de pintar as meninas

Existen numerosas versións daa meninas.Imos ver algunhas:

As meninas

View more presentations or Upload your own.

A semana da froita

Esta semana no cole vai estar dedicada á froita. Receitas de froita, froita na merenda,...
A froita é unha parte importante na historia da pintura.
Os cadros que representan distintos tipos de alimentos, froitas , flores,...chamanse "Bodegóns" ou "Natureza morta".
O bodegón é considerado unha arte menor, pero a maioría dos grandes pintores/as teñen o seu.
Velaí unha mostra:

A froita na pintura

View more presentations or Upload your own.

A xeometría na pintura

Na clase de quinto fixemos as nosas particulares reproduccións do cadro de Kandinsky  titulado: "Estudo de cor. Círculos concéntricos"
Servíunos para mellorar a nosa técnica no uso do compás. Aquí tedes o noso traballo:

Os ríos e a pintura

Os ríos na pintura

View more presentations or Upload your own.

A froita na pintura

Giuseppe Arcimboldo  (1527-1593) foi un pintor italiano famoso por reproducir o rostro humano con froitos e flores,
Despois de facer o obradoiro de froitas para os nenos e nenas de 6º, vemos que divertido pode ser deixar voar a imaxinación.

Para máis ideas artísticas, relacionadas coa froita, podemos consultar o libro "Que tal vexetal?"

O universo na pintura....noite estrelada

"A noite estrelada" de Vicent van Gogh, reproduce va vista dende a súa fiestra no sanatorio de Saint Remy de Provence.

O cadro pintuouno polo día, de memoria.

Recoñecedes a lúa e as estrelas?

A xeometría na pintura: triángulos

Este é o mosaico "A árbore da vida", que fixo Gustav Klimt para o palacio Stoclet de Bruselas.


Ao pintor xa o coñecedes. polo seu famosísimo cadro, "O bico"



Aquí a nosa proposta: 
Tentade localizar e clasificar algúns dos triángulos.

A xeometría na pintura: cadrados

Piet Mondrian (1872- 1944) foi un pintor holandés, autor do cadro que vemos a continuación. O seu título: "Composición II en vermello, azul e amarelo".

Mondrían plasmaba a harmonía con liñas verticais e horizontais.A súa obra foi incomprendida, pola aparente simplicidade dos cadros. Pero para lograr a pureza de cor e liñas. adoitaba utilizar unha grande variedade de técnicas e capas de cores. 

Se vos fixades, podedes adiviñar as pinceladas.

Agora imos facer a nosa versión do cadro, utilizando o escuadro e o cartabón.

A xeometría na pintura: circulos

Título: "Estudo de cor. Círculos concéntricos"
Autor: Wassily Kandinsky , pintor ruso ( 1886-1964)

Para reflexionar:

• Parécevos que segue sendo actual? 
• Imaxinades como foi acollido na súa época?

                                                                 

Tentade reproducilo utilizando o compás

Mira mira a pintura, canto mide?

Queres saber canto miden algúns dos cadros máis famosos?

·       “As meninas,” de Diego Velázquez, mide 276 de alto por 318 cm de ancho .

·       “A Gioconda,” de Leonardo da Vinci, mide 77 cm de alto por 53 cm de ancho

·       “A persistencia da memoria”, tamén coñecido como “ Os reloxos brandos”, de Salvador Dalí, mide 119,5 de alto por 90 cm de ancho.

·       “Enrique VIII”, de Hans Holbein o Mozo, mide 28 cm de alto por 20 cm de ancho

·       “A habitación", de Van Gogh, mide 74 cm de alto por 56,5 cm de ancho

·       “Varios círculos”, de Kandinsky ,mide 127 cm de alto por 200 cm de ancho

·       “Guernica” ,de Pablo Picasso, mide 3,50 cm de alto por 7,80 de ancho

P   Que vos parece calcular as medidas dos cadros nas vosas aulas? 

   Será interesante ver canto ocupa cada un!

A muller na arte

Mira este vídeo, e intenta averiguar a que cadros pertencen estas caras.

Arte e paz

Dende o CEP Brea Segade, os nosos amigos de Taragoña, achégannos esta actividade sobre o Guernica e a paz. Preme na imaxe:

Miramos, pensamos

Na clase de quinto curso atopámonos con esta reprodución do cadro  "Escuela rural" de Albert Anker, e ... mirámolo.
Tratábase de observar, apender a mirar os cadros, respostando a moitas preguntas:

Onde están? É unha escola, ou ten outros usos? Hai calefacción? Hai encerado? Como son os pupitres? Hai pupitres para todos? Quen está sentado neles? Onde están sentadas as rapazas? Por que?
Como é a roupa dos rapaces? Algún aparenta máis riqueza? Se é así, onde está sentado?
E as rapazas? Algunha ten mellor roupa, de máis abrigo? Onde está sentada?
Como é o comportamento dos rapaces? Como imparte a disciplina o profesor?
Que papel ten a profesora? Que levan as rapazas nas cestas? Para que? 
Como é o material escolar?

O cadro permitiunos reflexionar sobre como era a escola noutros tempos. Era mellor que agora?
E sobre a diferenza de trato entre os nenos e as nenas.
Foi unha sesión moi interesante!!

A pintura na historia

No terceiro ciclo fixeron unha recreación da pintura na historia, dende a pintura rupestre, pasando polas pinturas na cerámica, os mosaicos, os retablos, os frescos: