Onte, as súas Maxestades os Reis Magos de Oriente, viñeron visitarnos ao cole. O alumnado de 5º e 6º cantámoslle unha panxoliña e eles déronnos caramelos e unha morea de agasallos.
Grazas Maxestades por visitarnos!
21/12/24
20/12/24
19/12/24
5º Canta panxoliñas en "Contigo"
Onte a clase de 5º de primaria fomos cantar e bailar cos maiores do centro de día "Contigo".
Contáronnos como vivían eles e elas o Nadal na súa infancia.
Pasámolo moi ben.
08/12/24
Obradoiro de Scratch aplicado ás linguas para o alumnado de 5º
O pasado día 29 de novembro, tivemos o pracer de contar no cole con Paola Guimeráns quen, acompañada da doutora Iva Li, nos ensinou unha morea de cousas sobre a aplicación de Scratch.
Nesta ocasión, a actividade consistiu en aprender os números do un ao cinco en chino e, empregando as placas Makey Makey, elaborar un teclado para programar os sons que emitiría cada tecla. A continuación, mediante o uso do recoñecemento da voz coa aplicación Scratch, accederon a un xogo empregando o teclado creado para conseguir pasar as fases do mesmo.
Foi todo un éxito e o alumnado quedou moi satisfeito!
Grazas Paola por vir visitarnos e ensinarnos tantas cousas.
03/12/24
Voleibol na aula de 5º
Onte tivemos a segunda e última sesión da actividade de voleibol dentro do programa Xogade para o alumnado de 5º de primaria.
Practicamos o aprendido na sesión anterior e fixemos partidos de mini volei.
Pasámolo moi ben.
26/11/24
Voleibol en 5°
Onte iniciamos a actividade de voleibol, enmarcada dentro do programa XOGADE, dirixida ao alumnado de 5°.
Aprendemos e practicamos aspectos básicos sobre este deporte.
A vindeira semana teremos outra sesión, xa que o programa inclúe dúas sesións.
22/11/24
25 N con Scratch en 5º e 6º
O alumnado de 5º e 6º estivo traballando a conmemoración do 25N coa aplicación Scratch.
Saíron mensaxes moi enriquecedoras.
17/11/24
Obradoiro de radio na aula de 5°
O venres tivemos o pracer de contar no cole con Damián Alonso, que nos ensinou moitas cousas sobre o mundo da radio (intensidade da voz, tono, volume, indicacións sobre cómo dar paso á voz ou á música cando gravamos…). Ensinounos a facer un guión e, por parellas, gravamos o noso podcast.
Grazas Damián, aprendemos moito!
07/11/24
Teatro Quintela
Comeza un novo proxecto neste curso 24/25. Este ano investigaremos sobre o teatro.
O primeiro día o alumnado entrou nun cole convertido por un día nun teatro, e levaron unha entrada invitando a toda a comunidade educativa a disfrutar dun curso cheo de teatro.
Espéranos un curso cheo de diversión e maxia, apredendo guións, bailes, sendo actores e actrices, preparando maquillaxes, vestiarios, escenarios, pero sobre todo...disfrutando do teatro.
31/10/24
Elaboración de cabazas con fío condutor e leds en 6°
Logo de moito practicar, de preguntarnos o motivo polo que os led non acendían, de coser e descoser… por fin demos rematado as nosas cabazas terroríficas! Decoramos o corredor en elas e, gustaron moito ao resto de compañeiros e compañeiras do cole.
22/10/24
Charla (des)Conecta de Cibervoluntarios
O alumnado de 6º recibiu a charla Desconecta, para fomentar un uso saudable, positivo e responsable da tecnoloxía e para que coñezan os riscos que a adicción ás pantallas pode ter para a súa saúde física e mental.
21/10/24
Preparando o Samaín en 6°
O alumnado de 6° quere decorar o corredor do cole con cabazas que teñan por ollos uns led de cores que lle están a coser.
Mirade que ben o están a facer.
20/10/24
5° axuda ao alumnado de 1° na cabaza informativa
O alumnado de 5°, como vos padriños e madriñas do alumnado de 1°, estivo colaborando na elaboración da cabaza que levarán a casa coa información sobre a elaboración das cabazas que decorarán os corredores polo Samaín.
Fermoso momento de colaboración e convivencia.
17/10/24
E... despois de moito esforzo en cuarto... XA ESTAMOS EN 5º de PRIMARIA!
Subscribirse a:
Publicacións (Atom)