XORNADA DE CONVIVENCIA IES PARALAIA

 O pasado 21 de novembro, o alumnado de 6º de primaria realizou unha saída ao Instituto IES Paralaia para celebrar unha xornada de convivencia e o magosto. Durante a mañá, puidemos participar en diferentes actividades preparadas polo instituto, pensadas para fomentar a colaboración, o respecto e o traballo en equipo entre estudantes de diferentes centro de Moaña que o próximo ano estarán e compartiran clase no insti.

Despois dos xogos, gozamos do tradicional magosto e compartimos un momento festivo nun ambiente próximo e agradable. A actividade permitiu reforzar a relación entre centros e vivir unha experiencia educativa diferente e enriquecedora.

Foi unha xornada divertida, participativa que agardamos repetir.

O Magosto

 O luns celebramos o magosto no cole. Divertímonos moito cos xogos populares (carreiras de sacos, zancos, soga tira...), comemos castañas e tamén un chouripán co que nos agasallou a ANPA, a que queremos agradecer unha vez máis a súa gran axuda e colaboración co centro.

MAGOSTO

 Aquí estamos un ano máis celebrando o magosto. Por fin podémonos xuntar e os nenos e nenas de sexto fomos axudantes destacados na celebración. Pasámolo de marabilla!!!

Magosto en 5º e 6º

Magosto no IES A Paralaia

O venres pasado o alumnado de sexto curso foron convidados a celebrar o magosto no IES A Paralaia. Foi unha experiencia moi bonita. Unha das actividades consistiu en formar equipos para crear carteis relacionados co día da Non Violencia. Estes foron os carteis do noso alumnado:

OS NENOS E NENAS DE 6º VAN AO MAGOSTO DO IES PARALAIA

O pasado venres 10 de novembro, os nenos e nenas de 6º curso foron convidados polo instituo da Paralaia a celebrar o seu magosto. Pasárono xenial!!!
Mirade a montaxe en Imovie que fixeron Ángela, Pedro e Ana.

CELEBRAMOS O MAGOSTO!

Onte, celebramos no cole o magosto. Practicamos diferentes xogos populares e tradiconais, comemos as castañas e tamén tivemos tempo de pintarnos as caras...

Desde o cole, queremos dar as grazas aos pais e nais que colaboraron asando as castañas!
Tamén queremos dar os parabéns ao alumnado de 6º curso pola súa colaboración co resto do alumnado no desenvolvemento das distintas actividades.

 

Magosto de 6º en " A Paralaia "

A clase de 6º foi invitada un ano máis a participar na festa do magosto no instituto A Paralaia.Tamén foron os colexios de Seara, Tirán e Abelendo. Participaron nas actividades que estaban organizadas, xogaron e merendaron. Pasárono moi ben.

 

O MAGOSTO

CARTEIS DO MAGOSTO

Esta semana celebramos o Magosto no cole. Na clase de 6º de primaria fixemos por parellas os carteis para anunciar a celebración. Mirade que ben quedaron.

RECEITAS DE OUTONO

Estas receitas de outono foron aportadas polo alumnado e as familias no curso 2014-15. O alumnado de 5º de primaria do citado curso elaborounas nun programa de maquetado e aquí temos os resultados. Dende o EDLG queremos agradecer unha vez máis ás familias a súa colaboración  nas actividades propostas.  
 

Receitas de outono from bibliotecadocole