Bos
días, rapaces e rapazas. Aquí vos deixo algunhas actividades
musicais. Que vos divirtades. Un saúdo.
-
Comezamos cun xogo sobre os instrumentos cordófonos e aerófonos. É
moi sinxelo. Facedes clic nunha palabra, na que queirades, e despois
deberedes de facer clic nas outras que encontredes que sexan da
mesma familia.
-
Agora repasamos os instrumentos electrófonos, membranófonos e
idiófonos.
-
Seguimos co xogo do aforcado, que estou seguro que coñecedes. Vamos
a usalo para poñer a proba os vosos coñecementos sobre a
clasificación das voces
segundo sexa a súa ALTURA (soprano, mezzosoprano, contralto, tenor,
barítono, baixo) e segundo as AGRUPACIÓNS VOCAIS (dúos, tríos,
cuartetos, coro, orfeón, escolanía, voces graves). Nos vosos
apuntes de clase no apartado “A VOZ” tedes información.
-
Continuamos co xogo do “trivial musical”, escolledes o número de xogadores, dádeslle ao centro da roda e a xogar!!!
-
Rematamos cantando a canción da regra dos tres “R” ecolóxicos
(Reducir,
Reutilizar e Reciclar) xa que este
venres 5 de xuño celebramos o Día Mundial do Medio Ambiente. Non
desaproveitemos a ocasión de colaborar na tarefa de coidar o noso
planeta azul para asegurar agora e no futuro un hábitat máis limpo,
verde e san. A cantar!!!
Ningún comentario:
Publicar un comentario
Deixa aquí o teu comentario