Charla en 6º

A sexualidade

O mércores, 7 de xuño, tivemos en 6º unha charla titulada: A sexualidade. A matrona do centro de saúde de Moaña en coordinación coa concellalía de Servizos Sociais do concello achegouse ao colexio a falarnos sobre sexualidade acompañada pola concelleira María Ortega.

Como estamos dando o tema da reprodución en naturais serviunos para repasar os coñecementos que estamos adquirindo e coñecer máis sobre o tema. Non nos sentimos nin nerviosos nin incómodos. Vainos ser útil para entender mellor a etapa da vida na que estamos entrando: a puberdade.
Pareceunos moi interesante porque ademais Rosa, a matrona, falounos con moita naturalidade.