Carta de 5º na clase de Valores

Quintela, decembro de 2015

As nenas e nenos de 5º de Primaria do colexio Quintela-Moaña estivemos traballando sobre os refuxiados de Siria, Afganistán e Irak na clase de Valores durante este trimestre. Miramos as rutas polas que pasan para chegar a Europa e, sobre todo, a Alemaña. Soubemos que a xente queda sen casa, sen traballo, sen comida, os nenos e nenas sen escola e moitos morren. 

Algúns conseguen saír desa tortura e convértense en refuxiados: persoas que teñen que saír do seu país pola forza da guerra. Cando non haxa guerra quererán volver ao seu país. 

No camiño encóntranse con barreiras: os gobernantes dalgúns países non os deixan pasar e non lles dan refuxio. Nestas datas como baixa tanto a temperatura será máis perigoso para os refuxiados seguir a súa camiñada.

Como en Nadal recibimos e regalamos tanto e, sobre todo,damos bos desexos, pedimos que se acaben as guerras e que os refuxiados sexan ben tratados.

 O ano está acabando e seguimos igual.

Terminamos cun bo desexo:  

FELIZ     2016

Antes da carta mostramos un video sobre o tema feito por dúas alumnas.