Lemos no diario "El País" que falleceu Miep Gies,a idade de 100 anos.Era a secretaria de Otto Frank, o pai de Anna, e colaborou levándolles víveres ao almacén onde permaneceron escondidos durante 25 meses, ata que foron descubertos polos nazis.
Miep Gies atopou os diarios de Anna Frank, e gardounos ata que, rematada a guerra, poido devolverllos a Otto Frank, único membro da familia que sobreviviu aos campos de exterminio nazi.
O diario, que Anna recibira de agasallo no seu 13 aniversario, narra a vida durante o tempo que permaneceron escondidos.
Dende a súa publicación, no ano 1947, é un dos libros máis leídos no mundo.
Na biblioteca escolar tedes varios exemplares do diario de Anna, e unha biografía dela.
Si queres ler algúns fragmentos do díario, preme aquí.
Ningún comentario:
Publicar un comentario
Deixa aquí o teu comentario