22/06/09

Carta de despedida ao cole dos de sexto


Querido colexio:
Escribímosche esta carta para despedirnos, xa que o vindeiro curso imos ir ao instituto.
A maioría de nós levamos do cole dende que tiñamos tres anos.
No cole caímos, rímos, choramos, xogamos, medramos, pelexamos, aprendemos a perder (algúns,...), a compartir, as veces fomos castigados e outras premiados.
Non esquecemos cando en Infantil queríamos tirar abaixo a pedra grande coas nosas pás de plástico. Tampouco esquecemos cando, coa axuda das nosas profes, gañamos un premio e fomos as Illas Ons.
Todos os anos fixemos a famosa tortilla de patacas, e a canción de cada unha:
-Tortilla de María, que mola cada día.
-Tortilla de Antón, que mola mogollón.
-Tortilla de Maricarmen, que che da máis fame.
No cole creamos un blog da clase de sexto, e por culpa del tivemos que facer traballos extra, pero foi moi divertido.
Ademais participamos no deporte escolar. Unhas veces gañamos e outras perdemos, pero somos os mellores do mundo mundial na proba cultural.
Tamén imos botar de menos os ordenadores e sofás da biblioteca.
Quen nos diría a nós os días que non queríamos vir, que agora non quereríamos marchar!!!
Ainda que as veces había cousas do colexio que non nos gustaban, pensamos que é o mellor cole do mundo.
Alegrámonos de ter vido a este cole e de tervos coñecido a todos.

P. D. Tranquilos profes, que seguro que viremos darvos visitas.

1 comentario:

  1. Pero que Bonito!!!!!!!1
    O certo é que ides botar de menos ese colexio durante toda a vida, Dígoo por experiencia. Sí que é certo que é o mellor cole do mundo.
    Un saúdo e un Bikiño.

    ResponderEliminar

Deixa aquí o teu comentario