Os nenos e nenas da clase de 5º asistiron a unha charla de educación sexual. Falamos de anatomía, de como son os seus corpos, dos cambios que están a vivir, da entrada na adolescencia, da menstruación, do respeto ao ritmo dos ciclo menstruais, da hixiene menstrual, das relacións sexuais, o respeto e comunición coa persoa que esteamos... e logo houbo tempo para resolver todas as dúbidas que tiñan, e, para lembrarlle que a información que buscan ten que vir sempre dunha persoa adulta de confianza, ou de libros axeitados para a súa idade.
Con motivo do Día do Libro, as distintas librarías de Moaña cédennos libros para facer unha exposición na biblioteca. O alumnado visita a biblioteca e, de todos os libros, elixe o que máis lle gusta. Anota os datos nun papel e, se queren, poden ir mercalo coas súas familias á libraría para incrementar as súas coleccións persoais.
O mércores, o alumnado de 6° do CEIP Montemogos viu visitarnos ao centro para desfrutar dunha xornada deportiva dentro do programa XOGADE. Practicamos bádminton, brilé, baloncesto e datchball. Convivimos, xogamos, e fixemos amizade.
Pasámolo xenial. Grazas Montemogos pola vosa visita.
As nenas e nenos de 5° participamos hoxe, xunto con outros centros, nunha xornada deportiva na que practicamos o aprendido nas sesións que nos viñeron dar ao cole no 1° trimestre os monitores do Cub de Voleibol Maniotas. Esta actividade está dentro do programa XOGADE, e finalizou cunha xornada de convivencia no IFEVI.
Estivo moi ben!
Hoxe, o alumnado de 6° tivo un obradoiro de iniciación ao portugués. Gustoulles moito.
Na clase de Proxecto competencial, iniciamos un novo traballo de investigación. Traballamos por equipos, aprendemos a buscar información en libros e nos ordenadores, escribimos o aprendido e, cando todo este a listo, daremos exposicións. Estes son os temas que eliximos: aeronáutica comercial, o triángulo das Bermudas, o lince e animais mariños.
Que ben o pasamos e canto tivemos que pensar para resolver os algoritmos que nos plantexaba a actividade Compute it!
Os nenos e nenas de 5º, plantamos cabazas. Xa empezaron a medrar! Cando sexan un pouquiño máis grandes, levarémolas á horta e así, o vindeiro curso teremos a nosa propia colleita de cabazas.
