VISITA A AFAMO

Para celebrar o día da paz, os nenos e nenas de 5º E.P. visitaron, AFAMO, a asociación de familiares de persoas enfermas de Alzheimer do Morrazo. Alí, coñeceron as instalacións, o traballo que se fai coas persoas afectadas e, ademais, participaron nun intercambio de actividades: os maiores cantaron para os nenos e nenas A rianxeira, e os alumnos e alumnas de Quintela, cantaron para eles un canon cunha letra creada especificamente para esta ocasión.